ფილმ „საქართველოს საუნჯე“–ში ნაჩვენებია საქართველოს თითქმის ყველა ცნობილი ეკლესია–მონასტერი, სიწმინდე და მათთან დაკავშირებული საინტერესო ისტორიები, სასწაულები. საგალობლების და ქართული ხალხური მუსიკის ფონზე წარმოდგენილია საქართველოს ბუნების კოლორიტული კადრები. ფილმი იწყება მაცხოვრის კვართის საქართველოში შემობრძანების ისტორიით და მთავრდება თბილისის წმინდა სამების საკათედრო ტაძრის კურთხევით. ფილმი გადაღებულია სრულიად საქართველოს კათოლიკოს–პატრიარქის უწმინდესი და უნეტარესი ილია მე–2 –ის ლოცვა–კურთხევით.
